其實一直以來我皮膚問題唔算好大，但我最想解決係眼部問題(黑眼圈、眼紋、眼袋、淚溝)，眼係靈魂之窗，如果有黑眼圈、眼紋、眼袋哩啲問題，個樣睇落會好殘好唔精神，所以一直都有留意有咩方法可以改善到哩啲問題。最近見到壹美健有個叫Triolift嘅療程，話可以強效減淡眼紋、撫平眼袋、改善眼周凹陷、擊退黑眼圈，睇完有啲心動...所以17/12/18就去做我第1次Triolift。
我係喺銅鑼灣分店做，大堂環境簡潔舒適，開頭美容師會詳細講解療程，Triolift技術針對眼紋有3個層次：立方多極射頻(RF)、立方單極射頻(FRF)、分段點陣式微針射頻(NFRF)，達致增生膠原纖維、重建膠原網、重組排列膠原彈簧，由淺入深，徹底解決皮膚問題。
美容師根據我眼部情況，話其實我淨係做RF同FRF已經會睇到效果，而且因為NFRF係再比較深層，所以要敷20分鐘藥膏後先可以做，由於時間關係，都係留返下次先試 。
療程首先當然係洗面，之後就幫我敷水份mask打底，跟住就開始做Triolift，首先係做RF，做嘅過程無任何不適感覺，只會feel到暖暖哋，機頭除咗會碌眼位外，仲會碌埋眉至額頭向上提拉，做完半邊面效果好明顯，眼圈即時淡咗、眼袋細咗，跟住做埋另一邊面，最後就做埋FRF，哩個係重點打落有問題嘅位，感覺都係暖暖哋，做完眼紋睇落好似淡咗啲啲，左十療程大概十幾分鐘，而且之後果幾日對眼都keep到好精靈有神，不過之後再做多幾次先報告佢嘅效果。
【讀者優惠】
Sign up here with your email
ConversionConversion EmoticonEmoticon