海藻矽針 : Lipodermis VS Ronas

法國Lipodermis海藻矽針($200/Set)
有3種矽針選擇 :
1)長針--針對角質層( 效果:皮膚更新, 改善膚色, 刺激膠原更新, 毛孔粗大, 粉刺, 痘疤及去除老角質層)適合: 初次使用者或敏感皮膚;中性及初次使用者
**另想按摩時間耐少少可加海藻矽針活化液 效果更好,可加30%苦杏仁酸,(每次2-3滴)
2)長短針--針對表皮及底層( 效果: 皮膚更新, 改善膚色, 毛孔粗大, 粉刺,表皮斑, 痘疤及去除老角質層) 適合: 中性及混合性皮膚
**另想按摩時間耐少少可加海藻矽針活化液 效果更好,可加30%苦杏仁酸(每次2-3滴)

3)短針--針對底層( 效果: 皺紋,面部提升, 刺激膠原更新, 毛孔粗大, 粉刺, 凹洞, 妊娠紋,疤痕組織, 痘印, 表皮及真皮斑, 痘疤及去除老角質層 )適合:混合性皮膚
**另想按摩時間耐少少可加海藻矽針活化液 效果更好,可加30%苦杏仁酸,(每次2-3滴)做完海藻矽針換膚後，臉上會有點泛紅，而暗瘡皮膚，進行一次療程後，可以明顯感受到膿皰、粉刺減少，皮膚變得細緻光滑，因為海藻矽針有吸附油脂和促進老廢角質自然代謝的作用


我用長短針~首先就梗係洗完面~之後將TA(長短針)Si-Tox Powder同TB Si-Tox Solution攪勻~

跟住用搽保濕精華打底~記住要將d精華o係塊面度濕濕地~千祈唔好按到吸收晒~打完底就將之前攪好ge TA+TB混合物逐少搽上面~一路搽一路用陰力打圈按摩~直至搽晒全塊面~之後再o係你想改善ge瑕疵上面重點打圈按摩~我自己就重點o係兩面ge凹凸印同鼻打圈~全個過程大約5-10mins~之後再由得d矽針停留o係面度敷15mins~跟住再用濕左ge化妝綿抹走d矽針~抹晒之後再過水沖乾淨~!

用左第一set Lipodermins海藻矽針~佢比我之前o係美容院做ge海藻微針溫和~起碼真係無咁痛~一般人都忍受到~不過按近顴骨位就比較痛d~用完塊面有dd紅~無上次o係美容院咁勁~不過用手摸面果陣塊面會有吉吉地ge感覺~就好似d矽針滲透晒落皮膚裡面咁~跟住我就敷30mins CO2 mask降紅同保濕~

之後去沖涼~點知沖完涼塊面先黎料....塊面紅左好多....而且一摸面好似俾針吉咁~

如是者塊面第3日先開始甩皮~甩左4,5日~塊面由做完第一日起計~紅咗4,5日先完全退紅~而且做完矽針果幾日塊面會特別乾~基本上搽保濕精華,敷保濕mask同埋搽面霜都吸收得好快!

Lipodermis我連續用咗3sets~一星期用一次~凹凸洞同皺紋就唔覺有明顯淡到~而最明顯效果係毛孔細咗~少咗好多暗粒~塊面滑咗~有光澤咗~同埋緊緻咗~!

韓國Ronas海藻矽針($330/Set)
哩款矽針就得一款~我買果陣係包1樽海藻矽針+1支10ml海藻矽針修復液+1塊蠶絲面膜~

1樽可用2-3次~!用法同Lipodermis大同小異~不過第一次用果陣我覺得比個店主誤導....佢教我如果係分兩次用就落半支修復液溝半樽矽針~但我一溝埋就覺得唔對路....稀到擺唔到上面...之後上網睇返原來修復液用2ml就夠....我唔明點解間舖個網都寫2ml~但佢要同我講5ml...搞到我晒咗一次....第2次用返2ml來溝先正常用到~


之後都係一樣係面上打圈按摩~按完就o係面上敷15-30mins蠶絲面膜~
跟住就洗咗佢~敷完塊面紅咗~但摸面就無吉面感覺~同Lipodermis一樣都係第3日先甩皮~但佢甩皮甩得勁過Lipodermis....

總結 : Lipodermis同Ronas我會揀Lipodermis~因為矽針選擇多d~可以因應唔同需要而選擇~而且份量好易控制~1樽矽針同1機保濕精華溝埋一齊就用得~而且感覺強烈d~用完塊面同我o係美容院做一樣~連續幾日摸面都有刺刺ge感覺~而且收緊ge感覺強烈d~仲有價錢平d~!

• Tweet
• Share
• Share
• Share
• Share

Sign up here with your email