花王蒸氣眼膜
眼膜可持續於10分鐘內，散發約40℃蒸氣，輕輕包覆雙眼，有如享受蒸氣Spa，感覺滋潤舒適。讓您拋開忙碌的一天，漸漸放鬆心情，細心呵護眼睛。(*由於包裝盒已掉,所以只好用網上圖)
我相信好多人都用過, 哩款眼膜真係好舒服!!!而且有好多香味揀,不過我最鍾意用無味,硬係覺得其他香味好假~敷果陣真係feel到有蒸氣,敷完眼皮會濕濕地~同埋好輕~係掛耳式設計, 都幾貼眼~我好多時敷敷下瞓著左~!XDD 唯一缺點係貴~($32/5片,卓悅)
Kiribai 紅綠豆蒸氣叮叮眼膜
紅豆是一種含水分非常高的植物，其水分比一般穀類或豆類還要高，利用紅豆及綠豆加熱後釋出的天然蒸汽溫熱，深入部位，加速眼部血液循環，緩解疲勞，有效減少黑眼圈。
由於花王太貴,所以之後一直物色緊有無其他代用品~咁岩o係Log-on俾我見到哩款眼膜~只要將佢擺入微波爐叮30-40秒就可以用, 叮完會有陣豆味, 如果溫度太高, 眼膜背面(圖右下)會出現警告字句, 當警告字句消失,就可以敷眼, 而且俾花王更貼服同埋敷ge範圍大~但缺點係唔恆溫, 溫度會一路敷一路降,而且持續得5分鐘, 哩款眼膜我已經買第2盒, 雖然話可以叮200次, 但我好似叮100次都無就玩完, 而且我記得第一盒叮叮下有陣燶味所以先買第2盒~但佢比較划算~(約$76, Log-on)
Kiribai溫熱眼膜
恆溫40℃, 持續20分鐘, 舒緩眼部疲勞
哩塊眼膜同花王唔同ge係佢真係同暖包無乜分別...因為佢淨係會發熱, 但無蒸氣, 佢唔係掛耳式, 係黏貼式, 第一次用果陣貼落對眼感覺怪怪...好彩過一陣就適應~由於佢係黏貼式,所以比花王更貼服, 同埋好彩除出黎果陣唔係黐得好實,如果唔係眼皮會俾佢扯鬆晒...佢恆溫時間比花王長~花王10分鐘,佢20分鐘, 所以比較划算~ ($36/5片, 卓悅)
Panasonic EH-SW50 眼部蒸氣按摩器
現代人很難脫離電腦及手機的生活，眼睛的負擔也因此越來越高可是卻又沒有花太多時間去柯護您的眼睛，Panasonic推出了一款眼部護理機，讓您可以以輕鬆的姿勢柯護您的眼睛。暖暖的包覆那雙疲勞的眼睛。一個眼罩、淨重僅180克、注入適量的水後戴上就會加溫釋放出40°C的水蒸氣，溫暖、放鬆，加上2個按摩模式可以選擇。緩緩的舒壓或者是稍微有強弱的按摩。每天睡覺前享受這樣的眼部按摩～並紓解眼部的疲勞！
- 高低溫度選擇 (40°C, 38°C)
- 2種按摩模式 (普通振動, 強弱交替振動)
當我知道有佢ge存在,我雙眼即刻發晒光!!!即刻叫o係日本旅行ge朋友幫我買返黎~!!我通常會用高溫同強弱交替mode~而且我會瞓o係度敷,同埋唔扣帶~因為條帶個扣好易甩...每次12分鐘~佢主要係o係眼肚位振動~其實就係用熱力同振動去舒服疲勞同埋加速血液循環~都幾舒服, 不過同上面幾款眼膜比就真係重左d...而且振動果陣都有d嘈, 少會敷敷下瞓著...同埋每次差完電只能用兩次, 我成日唔記得差...試過敷左幾分鐘就無電...=.=" (約$8xx, 日本)
OSIM uGalaxy亮眼舒
全球首創意境光眼部按摩器，採用經科學證明的意境光和音樂，配合氣壓按摩、震動按摩及溫熱功能，紓緩頭痛，改善失眠，減輕眼袋及消除日常眼部疲勞。
哩部OSIM其實係我之前掙扎買Panasonic定買佢好~有次係frd屋企試過幾舒服~而且好多functions~加上果陣以為Panasonic淨係識出蒸氣(唔知有振動按摩)~所以我係買哩部先~!哩部機真係按得堅舒服!意境燈有分提神mode, 睡眠mode等等, 而且望完對眼真係無咁攰!但真係要望住d燈先有效果...所以望住佢就瞓唔到...所以有時太攰我會唔望, 由得佢按同震就算~缺點係按果陣d機械聲都幾大聲...同埋如果瞓o係度用果陣,好多時眼罩會走位,一路按,一路向上移,所以坐o係度按會好d~!($1380, OSIM)
總結 : 以上咁多款產品, 我最鍾意用花王, 方便, 舒服, 同埋真係好瞓d!其他果幾款各有好壞~睇下你想要咩~如要一部真係按眼多功能就我推薦OSIM~!=]
P.S 打完哩篇BLOG我對眼已經好攰...今晚又要敷下對眼....~_~"
Sign up here with your email
ConversionConversion EmoticonEmoticon